nahzat.tj

Видео: Пешвозгирӣ ва мавъизаи Эшони Нуриддин дар Русия

Имрӯзҳо барои тарғиби сухани ҳақ яке аз уламои маъруфи кишвар, Эшони Нуриддин ба Русия рафтааст. Ин мавъизаи Эшон, ки дар зер омадааст, бори дигар исбот мекунад, ки ӯ суханҳое мегӯяд ва ё даъватҳое аз ҷавонон мекунад, ба нафъи онон ва кишвару миллат аст, на ба зарари онҳо.

Дирӯз, мулоқот бо муҳоҷирони тоҷик ва мавъизаи воъизи маъруфи тоҷик Эшони Нуриддин дар шаҳри Раменское назди Маскав баргузор шуд.

Дар оғози сӯҳбат, Эшони Нуриддин аз ҳамаи муҳоҷирон даъват ба амал овард, ки ҳамеша бо Худо бошанд ва аз дину диёнати фаромӯш накунанд! Ӯ таъкид дошт, ки бар души муҳоҷирин масъулияти диниву оилавӣ ҳаст ва сафари онҳоро ба Русия ҳамчун сафари ибодат ва ёфтани подош аз Аллоҳ номид.

Ҳамчунин Эшони Нуриддин ёдовар кард, ки муҳоҷирин ҳамсарони худро фаромӯш накунанд. Мисоле ҳам зад, ки пеш аз оғози сафар ба ин диёр се зани ҷавон наздаш омадаанд ва шикоят овардаанд, ки шавҳаронашон солҳост, ки роҳи ватан ва оиларо аз ёд бурдаанд ва ҳатто ҳамсаре будааст, ки назди зани худ ҳашт соли охир барнагаштааст.

Воъизи оташинсухан аз ҷавонони муҳоҷир дархост кард, ки хушахлоқ бошанд, хиёнат накунанд ва махсусан, қонунҳои кишвари мизбонро риоя кунанд, чунки сиёсати ин давлат нисбати дину диндорӣ мунсифона аст.

Сипас, ба мавъизаи нахустин пардохт, ки он дар мавзӯи рукнҳои имондорӣ буд, зеро ба қавли ишон имрӯз аксари ҷавонони мо даъво мекунанд, ки онҳо мусалмон ҳастанд, вале аз рукнҳои ислом дуранд ва агар бипурсед, ки «омантубиллоҳӣ» чист, на ҳар ҷавонмард ҷавоб дода метавонад.

"Муъмин кисту мусалмон кист? Имон чист? Чанд рукн дорад? – низ аз суолҳое аст, ки посухашон мушкил мебошад. Ин мусибат барои ҳама аст. Яке аз сабабҳоияш бепарвоии волидайн, сиёсати ҳукумати Шӯравӣ ва ҳукумати охир аст. Бо тамоми масъулият мегӯям, ки агар шаш рукни имонро надонед, ба он устувор набошед, мусалмон нестед. Тоҷик будан ё ӯзбек будан ҳанӯз мусалмонӣ нест.

Агар содда бигӯем, бинои имон дар шаш сутун устувор аст.

Аввалин рукн ин имон овардан ва таслим шудан ба Аллоҳ аст. Ва ҳар яки мо бояд бовар дошта бошем, ки инсонҳо, замину коинот ва дигар Каҳкашонҳоро Аллоҳ офаридааст ва мо ба ҳама 99 ном ва сифатҳои Аллоҳ бовар дорем.

Дувумин рукн имон овардан ба малоика аст. Инкори малоикаҳо куфр ба ҳисоб меравад. Ҳар ҳукумат ба худ қувваҳои мусаллаҳ дорад ва малоикот ҳам силоҳи Аллоҳ аст. Барои ҳар яки мо малоикаҳоеро, ки дар назар наменамоянд, посбон мондааст. Надидан маънои набудан надорад. Ҳар яки мо ақл дорем, вале дида наметавонем. Рӯҳро ҳам дида наметавонем.

Рукни савум имон овардан ба китобҳои Илоҳӣ аст. Мо мусалмонон дар баробари Қуръон ҳам ба Таврот, ҳам ба Инҷил ва ҳам ба Забур имон дорем ва агар яке аз ин китобҳоро инкор кунем, кофирем. Ба ҳамаи китобҳо имон овардан фарз аст.

Чанде пеш дар Қазоқистон будам ва яке аз сарватмандони ин кишвар бо мо сӯҳбат орост ва гуфт, ки чаро масеҳиён ба паёмбар ҳазрати Исо (а) бовар доранду мо, мусалмонҳо, онҳоро кофир мегӯем. Ин ҷо сабаб дар он аст, ки масеҳиён ба Инҷил бовар доранду ба Қуръон не ва чи тавре гуфтам, мо ҳам агар ба яке аз ин китобҳо имон наоварем, кофирем. Мо ба ин китобҳои муқаддас бовар дорем, вале аз рӯи Инҷил ё Таврот амал кардан нодуруст аст. Ин ба мисоли Конститутсия аст. Имрӯз мо аз конститутсияҳои солҳои шасту ҳафтод амал намекунем, зеро онҳо кӯҳна шудаанд ва конститутсияи нав дар амал аст.

Рукни чорум ин имон овардан ба Паёмбарон (а) аст. Мо ба ҳамаи Паёмбарони масеҳиҳо ва яҳудиҳо бовар дорем, бинобарин мо ҳаргиз дар ҳаққи Паёмбарони масеҳиён ва яҳудиён на амали нодуруст ва на ҳарфи таҳқиромез намегӯем, лекин масеҳиҳо дар ҳаққи Паёмбари мубораки мо (с) карикатура карданд.

Дигар рукн ин имон овардан ба зиндагии пас аз марг ё имон овардан ба зинда шудан баъди марг аст. Ҳама ин дунёи моддиётро Аллоҳ метавонад дар лаҳзае нест кунад, зеро Аллоҳе, ки Заминро ҳашт балл меҷунбонад, қудрат дорад 80 балл ҷунбонад ва инро рӯзи қиёмат мегӯянд.

Шашум рукн ин имон ба тақдир аст. Ҳар он чи дар зиндагии мо рӯй медиҳад, аз қазои Илоҳӣ аст. Худо ризқи нафареро васеъ кардааст ва дигареро кӯтоҳ. Касе мегӯяд, ки тақдири инсон дар дасти худи ӯст, хатои маҳз мекунад. Набояд фаромӯш кард, ки сарнавишти ҳар инсон дар дасти худаш нест, балки дар ихтиёри Аллоҳ аст. Тақдир нест, гӯӣ, кофир мешавӣ.

Дар поёни сӯҳбат ҳазрати Эшон бори дигар аз муҳоҷирон, ки ғолибан аҳли шабобанд, даъват кард, ки ба хотири дунёи ду рӯза Худоро фаромӯш накунанд ва ин шаш аркони Исломро дар рӯзгори ҳамарӯза дар авлаввият гузоранд."

Видео: Пешвозгирӣ ва мавъизаи Эшони Нуриддин дар Русия

Диданд 2724 кас

Назари худро бинависед

17 назар

  • Садиров Б дар нохияи Кухистони Мастчох Дехаи Fузн мебошам! Садиров Б дар нохияи Кухистони Мастчох Дехаи Fузн мебошам! | 19.05.2013 - 07:00

    Ассаломуъалайкум хонандагони гироми манхам як шахрванди ЧТ мебошам ман айни хол дар мухочирати мехнати дар шахри Тверь дар наздикии Москва карор дорам ман бисёр мехохам ки дар Ватан бошам аммо дар Ватан будан хеч фоидае надорад ман факат аз сарвари давлат хохони онро дорам ки кушиш кунанд ки мушкилоти зиндаги дар Точикистон халли худро ёбаду мохам ба хона бо нази волидайнамон баргардему дар Ватани худмон зиндагони бо сар барем. Дар охир Аллох таъоло худаш танфик ба рохбарони давлатамон тияду инсофро бо истифода дароранд ва шахрвандони мо дар зери дасти Руссу Армиян бар гарданду хаёт ва фаъолияаташонро дар Точикистон гузаронанд айни хол 67% чавонони мо дар давлатхои бегона мусофир гаштаанд ман шахсан гувох медихам воллохе кариб 50% дар мусофирони мо ба хона дардман меоянд илочи ин вокеаро давлат набинад ман мебинам магар боз як гувохи дигар медихам ки дигар давлатхо воллохе ба монанди давлати мо Точикистон кашок ва бепарво нестанд молашонро дар кучахам бошад хивс ва мухофизат мекунанд ранги мо точикон хайдов ва бе сарбон нестанд ва охирун даъво Аллох шуморо бародарони мусалмон чи дар Ватан чи дар хорич хастед дар панохаш нигох дорад ва дар хаки ман дуъо гуед хохишам хаминаст бо дикататон ташакур дар амони худо бошед!!!

  • мухаммадсодик мухаммадсодик | 02.01.2013 - 14:59

    худо хамаатонро саломат нигах дорад. агар ба таърих нигарем хеч паёмбар ягон дин ва ягон олими боамал бе душман нагузаштааст бухориро ба ном муллохои хамон замона назди амир сиёх карданд имруз шурои уламо ба он мулохо пайрави карда ин шахсони бузургро сиёх мекунанд онхо бовар надоранд ки изат аз чониби худост инхо рохати дунёрол интихоб кардаанд насибашон кунад алакай тарафдорошон ба орзухояшон расиданд назар кунед ба холи зану духтаронашон ва фаромуш накунанд ки худо исломи азизро ва пайравонашро голиб мегардонад ба куръон назар кунед ки худо бо душманонаш чи кор кардааст боки худо хофиз

  • асад асад | 07.09.2012 - 16:14

    шумо факат дуъо кунед бас

  • Шухрат Шухрат | 07.09.2012 - 16:13

    хамаш хуб мешавад бародарон ва хохарон хамаш дар дасти Аллох аст

  • ZOKIRJON ISTARAVSHAN ZOKIRJON ISTARAVSHAN | 01.09.2012 - 19:28

    BEHTARIN HIZB HIZBI NAHZATI ISLOM BEHTARIN OLIMI HAKGU ESHONI NURIDDINJON.............

  • gurbat gurbat | 01.09.2012 - 16:56

    hukumatdoro zanovu duxtaroi khudshona nigoh kada nametonan bo ay mora nigoh mekunan . korgaroi rusiya naboshand hukumati mo ba kun mezana bo kore mekunan ki onhoro baroi zanoshona xabargiri faryod kunan har giz. silohi mo duost.

  • Бахром Бахром | 01.09.2012 - 13:52

    Акнун кори онхое ки Эшонро ранчониданд, тахти казовати Худованд шуд. Бинед ки чи мешавад.

    То наранчонанд дили марди худо,
    Зарраеро барначунбонад Худо.

  • Erod Erod | 01.09.2012 - 11:12

    OMIN!

  • BANDAI KHUDO BANDAI KHUDO | 01.09.2012 - 02:17

    ASSALOMU ALAYKUM KASONEKI DAR HIZBI NAHZATI ISLOMI TOJIKISTON AMAL MEKUNEN KHUDOVAND SHUMORA DAR AMONI HUDASH NIGAH BIDORAD VA IN HUKUMATDOROI MO OQIBBAT PUSHAYMON MESHAVAN BA IN KORASHON NAHOD YK OLOMI ZABARDASTI TJ NA KI BA ROHI ROST MARDUMA DAVAT MEKARD NAHOD SARI ROHASHA BIGIREN MAGAR SHUMO MUSALMON NESTEN VA BAROI CHI JASHNI IMOMI AZAMA GIRIFTEN BAROI HUD NISHON DIHI HAY AZ HUDOVAND KHOHISH DORAM KI KHUDOVAN TAVFIQASHON DIHAD VA HAMCHUNIN AZ KHUDOVAN TALAB MEKUNAM KI DAR KORHOI SHUMOHAM BARAKAT BIDIHAD OMIN

  • abdulbosit abdulbosit | 31.08.2012 - 11:50

    hub meshud ki masjidi turalonro vo mekard janobi oli honai Hudoro bastan gunohi azim ast duo mekunem ki namozi jumaro dar masjidi turajon ijoza dihad janobi oli mardum dar hakash duo mekardand

  • Эрод Эрод | 30.08.2012 - 22:02

    Бародарон дуъо кунем, ки ХУДОВАНД эшони Нуриддинчонро хифз кунад ва фардои Киёмат моро бо у хашр фармояд, омин!

  • Аминчони Вахдати. Аминчони Вахдати. | 30.08.2012 - 21:42

    Худованди мехрубон Хазрати эшонро бо пайравону мухлисонаш зафару пирузи дихад омин!

  • сулаймон сулаймон | 30.08.2012 - 21:01

    ба хукумат ки бовар наадоранд пас назди эщон мераванд ва ана вай дархоосташонро расонидааст ку на мисли хукуматихо ки аз як гуш даромада аз гуши дигарашон мебарояд

  • Зиндаруд Зиндаруд | 30.08.2012 - 17:17

    (Аз сомона: Ислох шуд, ташаккур)

  • Адолат Адолат | 30.08.2012 - 17:10

    То дар хаети худи хукуматдорон хамин вокеьа руй надихат инхо ба дарди вай занхо намерасанд.
    Кошки Аллох Дуои занхои азобкашида истодаро мустачоб мекард. АМИН

  • abu abdurahmon abu abdurahmon | 30.08.2012 - 17:06

    CHAROGI ISLOMI TOJIKISTON, OILAI ESHONI TURAJON

  • Билол Билол | 30.08.2012 - 15:51

    Занхо барои шикояти дури аз хамсарони худ бояд назди хукуматдорон раванд на Эшони Нуриддин, зеро дар дурии занон аз хамсарон хукумат ва сиёсати нодурусти хукуматдорон айбдор аст. Эшони Нуриддинро низ нагузоштанд чавононро насихат кунад ва холо аз ин бадтар хам хохад шуд. Дар солхои оянда шохид хохем шуд, ки занхо аз барнагаштани писарони ноболиги худ аз Россия шикоят хоханд кард. Зеро дар точикистон дигар барои нони кок хам пул пайдо кардан душвор аст.